)جب کوئی کہتا ہے کہ آپ کی جلد کا انحصار ان چیزوں پر ہے جو آپ کھاتے ہیں تو وہ سچ کہتا ہے جتنی غذا آپ کھاتے ہیں۔آپ کی جلد اتنی ہی چمکدار ہوتی ہے، کیونکہ ان میں غزائی اجزاءہی ایسے ہوتے ہیں۔ذیل میں ان دس ایسی غذاﺅں کا ذکر کیا جا رہا ہے جنہیں بہتر جلد کے لئے اپنی خوراک کا حصہ بنایا جانا چاہیے۔
1۔ بادام
بادام کا باقاعدہ اور معتدل استعمال آپ کی جلد کی نشوونما اور حفاظت کرتا ہے۔بادام میں وٹامن ای پایا جاتا ہے جو جلد کی نشونما میں مدد دیتا ہے اور سورج کی کرنوں سے اس کی حفاظت کرتا ہے۔
2۔گوبھی کے پتے
شاخ گوبھی وٹامنز اور اینٹی Oxidenits سے بھرپور ہوتی ہے اس میں موجود وٹامن سی کولیگن کی پیداوار کو بڑھاتا ہے جو جلد کی ملائمت کو یقینی بناتا ہے اسی طرح اس میں پایا جانے والا وٹامن ای جلد کو نقصان دہ الٹر وائیلٹ شعاعوں سے بچاتا ہے اور جلد پر گہرے حلقے پڑنے کے امکانات میں کمی کرتا ہے۔نیزان میں پایا جانے والا سیلنیم بھی جلد کی حفاظت کرتا ہے۔
3۔ پودینہ
پودینہ میں ٹھنڈے اور فرحت بخش آرام دینے والے اثرات پائے جاتے ہیں جو جلد کے لئے مفید ہوتے ہیں اور مختلف غیر معیاری کریموں کے نتیجے میں ہونے والی بیماریوں سے جلد کو صحت بخشتا ہے۔پودینے میں سوزش دور کرنے والے اثرات بھی ہوتے ہیں جو جلد کی PH کو بیلنس رکھتے ہیں۔پودینے کی چائے کا ایک گرما گرم کپ سردرد میں فائدہ بخشتا ہے۔
4۔ ٹماٹر
ٹماٹروں میں وٹامن سی کی وافر مقدار ہونے کی وجہ سے بننے والے کولیگن سے جلد صحیح اور ٹھوس رہتی ہے۔ٹماٹر میں پایا جانے والا سرخ مادہ جلد کی زردی کو کم کر سکے، اسے سرخ اور دھمکتا ہوا بناتا ہے اور جلد میں خون کی فراہمی کو بہتر بناتا ہے۔
5۔چقندر
چقندر میں انتہائی درجے کا وٹامن اے اور دیگر غذائی اجزاءمثلاً پوٹاشیم، سوڈیم، کیلشیم، میگنیشئم اور وٹامن ای پائے جاتے ہیں اس لئے یہ جلد کے لئے مکمل کلینرز کی حیثیت بھی رکھتا ہے اور خون سے مضر اجزا خارج کرکے خون کو صاف رکھتا ہے اگر سلاد کے ساتھ ساتھ چقندر کا ایک کلاس جوس روزانہ پی لیا جائے تو یہ جلد کے لئے مثالی ہے۔
6۔ بھورے چاول
بھورے چاول کو ان کی افادیت کے باوصف کبھی بھی آپ سفید چاول کے مقابلے پر رکھ سکتے ہیں، ان سے خون میں انسولین نہیں بڑھتی جیسا کہ سفید چاولوں سے بڑھتی ہے اور جلد کی چکنائی بھی کم ہوتی ہے جو ایکنی کا باعث بنتی ہے۔اس کے علاوہ بھورے چاولوں میں اینٹی آکسی ڈینٹس اور منرلز پائے جاتے ہیں جو جلد کی صحت میں اضافہ کرتے ہیں۔
7۔لہسن
لہسن میں چونکہ جراثیم کو ہلاک کرنے کی قوت ہوتی ہے اس لئے یہ جلد کے کسی بھی انفیکشن میں معاون ہے اور ایکنی کے خطرات کم کرتا ہے ،لہسن کو اپنی خوراک اور سلاد وغیرہ کا حصہ بنائیں۔
8۔پنیر
پنیر میں پروٹین اور سیلینم پائے جاتے ہیں جو جلد کی صحت مند نشوونما میں معاون کولیگن پیدا کرتے ہیں پنیر کو آپ کی روزانہ غذا کا حصہ بنانے کے کئی ایک طریقے موجود ہیں۔
9انڈے
ہر قسم کی پروٹین کے ساتھ انڈے انتہائی غذائی اہمیت کے حامل ہوتی ہیں نیز ان میں پائی جانے والی زنک اور سیلینم کی مقدار جلد کی صحت کے لئے شاندار ہے۔
10کدو کے بیج
ان چھوٹے چھوٹے بیجوں میں وٹامن ای زنک اور امیگا تھری فیٹی ایسڈ ہوتے ہیں جو انہیں جلد کی صحت کے لئے ضروری بناتے ہیں ان سے خلئے کی جھلی کی حفاظت ہوتی ہے۔کولیگن کی سطح برقرار رہتی ہے اور اس طرح جلد کو تروتازہ بنانے میں آپ ان میچوں کو دہی کے ساتھ بھی کھا سکتے ہیں۔
کوئی تبصرے نہیں:
ایک تبصرہ شائع کریں