چمکدار سفید دانت مسکراہٹ کو روشن بنا کر چہرے کی خوبصورتی کو چار چاند لگادیتے ہیں۔ موتیوں جیسے سفید دانت پانے کیلئے کچھ آسان گھریلو نسخے پیش خدمت ہیں۔
٭ کیلے کے چھلکے سکھالیں اور دن میں دو دفعہ دانتوں پر رگڑیں۔ ان میں پوٹاشیم، مینگانیز اور میگنیزیم پایا جاتا ہے جو دانتوں کو صحتمند اور چمکدار بناتا ہے، اسی طرح مالٹے کے چھلکے بھی استعمال کئے جاسکتے ہیں۔
٭ سٹرابری کو مسل کر دانتوں پر دو سے تین منت لگائیں اور چاہے تو برش بھی کرلیں۔ ان میں ایا جانے والا میلک ایسڈ نہ صرف دانتوں کو چمکدار بناتا ہے بلکہ بیکٹیریا کو بھی ختم کرتا ہے۔
٭ گاجر اور سیب جیسی غذائیں کھانے کے دوران دانتوں کی صفائی بھی کرتی ہیں اور سانس کو خوشبودار بھی بناتی ہیں۔
٭ سفید دانتوں کے حصول کیلئے سگریٹ نوشی ترک کرنا ضروری ہے کیونکہ سگریٹ کے دھوئیں میں پائے جانے والے کیمیکل دانتوں کو مستقل بدنما کردیتے ہیں۔
٭ انتہائی گرم یا انتہائی سرد مشروبات دانتوں پر منفی اثرات ڈالتے ہیں، لہٰذا ایسے مشروبات استعمال کرتے وقت سٹرا (پلاسٹک کا باریک پائپ) ضرور استعمال کریں تاکہ دانت مشروت کے براہ راست اثر سے محفوظ رہیں۔
کوئی تبصرے نہیں:
ایک تبصرہ شائع کریں